telo

sopo sing ra ngerti telo, berarti wis kebacut tenan. telo kuwi ono pirang pirang macem wernane. abang ijo kuning tapi ra ono sing biru. jen...

sopo sing ra ngerti telo, berarti wis kebacut tenan. telo kuwi ono pirang pirang macem wernane. abang ijo kuning tapi ra ono sing biru. jenise dewe yo ono macem macem pisan. mben daerah lek ngarani yo macem macem pisan. maklum, wong kadang sak penake dewe ngekeki jeneng. onok telo goreng, telo bakar, telo godhok, telo dang dangan, telo kukus lan sak piturute. tapi intine onok loro, yoiku telo kaspe karo telo rambat. telo kaspe boso ngetrene pohung. lek telo kaspe sing wis tuwek, biasane dijenengne kaspo .. lha lek telo rambat biasane diarani telo rambak, lek digoreng, jenenge dadi krupuk rambak. (lho, rak tenan too.. ngawur... !) telo ki ra keno diarani woh wohan, mulo kuwi wong wong ndusun ngarani polo poloan. lha mergo uripe nang njero lemah sing kependhem, dadi diarani polo kependhem. mestine sih diarani polo dipendem. soale dekne sengojo dipendem, ora kependhem karepe dewe. telo ki woh wohan, (kamsude polo poloan) sing mumpangati. akeh manpaate ngono loh. ra gur glembugane sing isine krabrohidrat utowo zat glepung kuwi tok sing iso diunduh asile. tapi wiwit soko kulite kenek kanggo pakan wedous, godonge telo rambat nggo pakan wedous pisan, godonge telo kaspe nggo kelo lodeh po janganan padhang yo iso, kayune telo kaspe kenek nggo pager omah, opo nggo adang sego, nggo barbekiuan yo iso. opo rambatane telo rambat, kenek nggo pakan wedous pisan. sapi lek keluwen yo doyan kadang. wis to, koyok koyok nandur telo ki ra ono rugine. koyok jarene koes ploes, sing intine : kayu dincepno ae wis dadi tanduran. koyok dene telo. kayune di ncepno nang lemah gembur (po meneh sing cacingen), ra suwe pirang ndino ngono deloken, engkok lak semi godonge. telo dewe yo iso diolah dadi macem macem panganan. koyok telo kaspe misale, iso diolah dadi telo goreng, kripik telo, srondok telo, gethuk telo, opak telo, glepung telo, mie telo, gaplek telo, tape telo, lan telo telo liyo liyane. lha telo rambat ugo iso di dang, dikukus, digoreng, dikelo lodeh, digethuk lindri, lan diolah macem macem. nandur telo dewe jane yo ra susah. ra perlu sering sering didangir, ra perlu sering sering diwatun, ra perlu sering sering di lep. sing penting sering sering ae diinguk sopo ngerti digasak karo tonggo dewe. soale uenak tenan telo sing tas dijebol trus dibakar. umure dewe yo ra suwe suwe banget. ra koyok umure tebu sing setaon pisan ditebang. percoyo ra percoyo, terserah awakmu nanggepine. team pe er pe nglapurno seko ndusun.